Plantun de Prouvènço

Pèr coumpara dos planto d'encò nostre

Juncus littoralis & Streblotrichum convolutum

Juncus littoralis

Juncaceae

Noms en français : Jonc des grèves, Jonc de Tommasini.

Descripcioun :
Aquéu jounc se rescontro soulamen dins li sablo, darrié li duno de mar, dins lou relarg de plano de coustiero. Trachis en mato coume lou jounc-pounchu e ié sèmblo proun. Pamens se pòu destria que fai d'inflourejado mai ramificado e subretout emé soun fru madur pu pichot : 4 mm de loungour pèr lou mai en liogo de 5 e mai pèr Juncus acutus. Coumpara emé lou jounc-pounchu que ié sèmblo proun.

Usanço :
Èi bessai manjadis coume soun cousin lou jounc-pounchu, mai n'en sabèn rèn. Escriéure au site s'avès mai d'entresigne.

Port : Grando erbo
Taio : 30 à 150 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Juncus
Famiho : Juncaceae

Ordre : Poales

Coulour de la flour : Verdo
Petalo : 6
Ø (o loungour) flour : 2 mm
Flourido : Printèms - Estiéu

Sòu : Ca
Autour basso e auto : 0 à 20 m
Aparado : Noun

Liò : Mar - Sablo
Estànci : Mesoumediterran
Couroulougi : Eurimediterranenco-Nord-Èst
Ref. sc. : Juncus littoralis C.A.Mey., 1831 (= Juncus tommasini Parl., 1857 )

Barbulo-recourbado

Streblotrichum convolutum

Pottiaceae

Nom en français : barbule des champs.

Descripcioun :
Aquelo mousso trachis sus lou sòu e sus lis endré ounte i'a un pau de terro. I'agrado li liò dubert e lou lume. Emai siegue diouïco fai facilamen d'espouroufite à la primo o l'estiéu. Se recounèis à si fueio que caupon uno longo costo, emé de bord recurva à la baso e que devènon espiralado un cop seco. Lou boursèu èi verd-brun alor que la couifo se trovo èstre longo e jauno. Dedins li dènt dóu peristome soun peréu longo e espiralado.

Usanço :
Es proche d'àutri meno dóu meme gènre, coume Barbula unguiculata un pau pu forto emé la fueio acabado pèr uno longo pouncho, li fueio recourbado sus li bord e la sedo roujo. Apoundèn que Streblotrichum convolutum douno de fueio "periquessialo" que fan uno meno de tube à la baso (fotò). Se pòu engana tambèn emé d'àutri Potiaceae.

Port : Acroucarpo
Taio : 0,2 à 1 cm
Fueio : 0,8 à 1,8 mm
Tipe bioulougico :
Cicle bioulougico : Planto renadivo

Gènre : Streblotrichum
Famiho : Pottiaceae

Ordre : Pottiales

Coulour de la flour :
Petalo : 1 à 1,2 cm
Ø (o loungour) flour : Espiralado, fino
Flourido : Printèms Ivèr

Sòu : Ca
Autour basso e auto : 0 à 1800 m
Aparado : Noun
Mars à jun

Liò : Sòu - Bord de camin - Muraio emé terro - Champ
Estànci : Mesoumediterran à Subaupen
Couroulougi : Oulartico e Mieterrano
Ref. sc. : Streblotrichum convolutum (Hedw.) P.Beauv., 1805 (= Barbula convoluta Hedw., 1801 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

Juncus littoralis & Streblotrichum convolutum

ges

Coumpara Jounc(-de-coustiero) emé uno autro planto

Coumpara Barbulo-recourbado emé uno autro planto